Video Formats Explained [Malayalam]


ഒരു പാട്ട് നമ്മൾ ഡൗന്ലോഡ് ചെയ്യുന്നത് മിക്കവാറും .mp3 ആയിട്ടായിരിക്കും. ഫോണിൽ റെക്കോർഡ് ചെയ്യുന്നത് .amr ആയിട്ടായിരിക്കും. ആപ്പിൾ ഡിവൈസുകളിൽ അത് .m4a ആയിട്ടായിരിക്കും. ഇനി ഏറ്റവും ഹൈ ക്വാളിറ്റി ഫയലുകൾ വരുന്നത് .flac രൂപത്തിലായിരിക്കും. crazyfrog.mp3 എന്ന ഫയലിൽ .mp3 എന്ന വാല് ഫോർമാറ്റിനെയാണ് സൂചിപ്പിക്കുന്നത്.


പക്ഷേ വീഡിയോ ഫയലുകൾ വെത്യസ്ഥമാന് കാരണം അവയിൽ ഓഡിയോ+വീഡിയോ അടങ്ങിയിരിക്കും. അങ്ങനെ ആഡിയോയും വീഡിയോയും ഉൾക്കൊള്ളുന്ന ഫയലുകളെയാണ് കണ്ടേയ്നർ എന്ന് വിളിക്കുന്നത്. avi, mp4, mkv ഇവയൊക്കെ കണ്ടേയ്നറുകളാണ്.


ഒരു 2.2gb size ഉള്ള moviename1080pYifyBrRip.mp4 എന്ന സിനിമ ഫയലിനകത്ത് 2gb യുടെ .H264 വീഡീയോ ഫയലും 200 mb യുള്ള ഒരു .AAC ഓഡിയോ ഫയലും ആവും ഉണ്ടാവുക. ചിലപ്പൊ 100 kb യുള്ള ഒരു .SRT സബ്റ്റൈറ്റിൽ ഫയലും കാണും. ഇവിടെ .mp4 എന്നുള്ളത് വീഡിയോ ഫോർമാറ്റല്ല കണ്ടേയ്നർ ഫോർമാറ്റാണ്.

  • ആദ്യം ഫോർമാറ്റുകളെ പരിചയപ്പെടാം
ഓഡിയോ ഫോർമാറ്റുകൾ :
mp3, wav, amr, m4a, wma, AAC,AC3, DTS, DolbyDigitalPlus etc

വീഡിയോ ഫോർമാറ്റുകൾ :
Mpeg, Mpeg4, AVC / H.264, HEVC / H.265, VVC / H.266 etc

സബ്റ്റൈറ്റിൽ ഫോർമാറ്റുകൾ :
srt, Vobsub, ass, smi etc

ഒരു കണ്ടേയ്നറിനകത്ത് ഒന്നിലധികം ഫയലുകൾ സൂക്ഷിക്കാം. വീഡിയോ് + ഒന്നോ അതിലധികമോ ഓഡിയോ + ഒന്നോ അതിലധികമോ സബ്ബുകൾ + ഫോട്ടോകൾ പിന്നെ വിവരങ്ങൾ എല്ലാം. ഇങ്ങനെ പല ഫയലുകളെ ചേർത്ത് കണ്ടേയ്നറിനകത്ത് ആക്കുന്നതിനെ muxing എന്ന് പറയും. ചില സിനിമകൾ കണ്ടിട്ടില്ലേ. ഒരു ഫയലിനകത്ത് തന്നെ ഇങ്ക്ലീഷും ഹിന്ദിയും ഓഡിയോ streams കാണും. നമുക്ക് സെലെക്റ്റ് ചെയ്ത് കേൾക്കാം.

ഏറ്റവും പ്രചാരത്തിലുള്ള video ഫോർമാറ്റാണ് H264 അഥവാ AVC അഥവാ Advanced Video Codec. കൂടെ ഓഡിയോ ഫോർമാറ്റ് AAC അഥവാ Advanced Audio Codec ആയിരിക്കും. ഇത് രണ്ടും ഒട്ടുമിക്ക ഡിവൈസുകളും സപ്പോർട്ട് ചെയ്യും.

ഇനി ചില ഫയലുകൾ പ്ലേ ആവാത്തറ്റിനു കാരണം സപ്പോർട്ട് ചെയ്യാത്ത ഫോർമാറ്റുകളാണ്. ഉദാ : AC3 എന്ന ഓഡിയോ ഫോർമാറ്റ് ഡോൾബിയുടെ സറൗണ്ട് ഓഡിയോ ഫോർമാറ്റാണ്. ഇത് ഡീകോഡ് ചെയ്യാൻ പല ആണ്ട്രോയിഡ് ഡിവൈസുകൾക്കും പറ്റില്ല. അതുപോലെ തന്നെയാണ് DTS ഓഡിയോ ഫോർമാറ്റ്. മറ്റൊരു വെല്ലുവിളിയാണ് H265 അഥവാ HEVC അഥവാ High Efficiency Video Codec. ഇതിന്റെ പ്രെത്യേകത ചെറിയ സൈസും ഉയർന്ന ക്വാളിറ്റിയുമാണ്. പക്ഷേ സപ്പോർട്ട് കുറവാണ്.

ടോറന്റുകളിൽ ഓഡിയോ വീഡിയോ ഫോർമാറ്റുകൾ ഫയൽ നേം നോക്കി തന്നെ മനസ്സിലാക്കാൻ പറ്റും.

ഉദാ : Battleship.Potemkin.1925.1080p.BluRay.x264.mp4
ഇവിടെ വീഡിയോ H264 അഥവാ AVC ആണ്. ഓഡിയോ ഏതാണെന്ന് പറഞ്ഞിട്ടില്ല. അപ്പോൾ മിക്കവാറും അത് .AAC ആയിരിക്കും.

How.to.Train.Your.Dragon.The.Hidden.World.2019.2160p.BluRay.x265.10bit.SDR.DTS-HD.MA.TrueHD.7.1.Atmos.mkv ഇവിടെ വീഡിയോ H265 അഥവാ HEVC ആണ്. ഓഡിയോ രണ്ടെണ്ണം ഉണ്ട്. DTS-HD പിന്നെ DolbyAtmos. മൂന്നും സാദാ ഫോണുകൾ താങ്ങില്ല.

കണ്ടേയ്നറിൽ ഫയൽ ഇടുന്നതും(muxing) ഊരിയെടുക്കുന്നതും(demuxing) വളരെ എളുപ്പമുള്ള ജോലിയാണ്. ഒരു PC വേണമെന്ന് മാത്രം. MKV Merge എന്ന് സോഫ്റ്റ്‌വേർ ഉപയോഗിച്ച് നോക്കുക. സിമ്പിൾ & പവർഫുൾ ആണ്. Subtitleകൾ എല്ലാം സിനിമ ഫയലിനകത്ത് തന്നെ സൂക്ഷിക്കാം